Ўзбекистонда крипто-дўкон фаолиятини амалга ошириш учун лицензиялар бериш бошланди.
Ўзбекистонда биринчи бўлиб иккита МЧЖ крипто-дўкон фаолиятини амалга ошириш учун лицензияларга эга бўлди.
Ўзбекистон истиқболли лойиҳалар агентлиги хабарига кўра, агентлик томонидан крипто-дўкон фаолиятини амалга ошириш учун “Crypto Trade NET” МЧЖ ва “Crypto Market” МЧЖларга биринчи лицензиялар берилди.
Тегишли маълумотлар лицензияларнинг электрон реестрига белгиланган тартибда киритилган ҳамда Aгентликнинг расмий веб-саҳифасида фойдаланиш учун очиқ ҳисобланади.
Шу билан, Crypto Trade NET” МЧЖ ва “Crypto Market” МЧЖлар Марказий Осиё ва МДҲ ҳудудидаги биринчи крипто-дўконлар бўлди.
Эслатиб ўтамиз, аввалроқ, Ўзбекистонда крипто-дўкон фаолиятини ташкил этиш тартиби белгилангани ҳақида хабар берилганди.
Doʻstlaringizga ulashing
T.me/BinanceNFTUZ
