Pavel Durov FTX birjasining qulashi, markazsizlashtirish va b | CRYPTON
Pavel Durov FTX birjasining qulashi, markazsizlashtirish va blokcheyn texnologiyalarini ommaviy qabul qilish haqidagi fikrlari bilan o‘rtoqlashdi, shuningdek, Fragment kim oshdi savdo saytining muvaffaqiyati haqida gapirdi va TON blokcheynini eslatib o‘tdi.
Pavelning ta'kidlashicha, kelajakda Telegram markazlashtirilmagan birjalar, hamyonlar va boshqa Web 3 vositalarini yaratish niyatida va Fragment shu haftada "username"lar kim oshdi savdosi doirasidan tashqariga chiqadi.
Uning postining tarjimasi quyida berilgan:
“Blokcheyn sanoati markazlashtirmaslik va’dasi asosida qurilgan, lekin sanoat o‘z vakolatlarini suiiste’mol qila boshlagan bir necha kishilar qo‘lida to‘planib qoldi. Natijada, eng yirik birjalardan biri bo'lgan FTX bankrot bo'lganida ko'plab foydalanuvchilar mablag'larini yo'qotishdi.
Yechim aniq: blokcheynga asoslangan loyihalar o'z ildizlariga —markazlashtirmaslikka qaytishi kerak. Kriptovalyuta foydalanuvchilari uchinchi shaxslarga bog'liq bo'lmagan o'tkazmalar va web3 hamyonlariga o'tishlari kerak.
Dasturchilar sifatida biz ommaviy auditoriya uchun tez va foydalanish uchun qulay markazlashtirilmagan ilovalarni yaratish orqali blokcheyn sanoatini markazlashtirishdan uzoqlashtirishimiz kerak. Bugungi kunda bunday loyihalar va nihoyat amalga oshirilishi mumkin.
To'liq markazlashtirilmagan kim oshdi savdo platformasi bo'lgan Fragment'ni yaratish uchun bor-yo'g'i 5 hafta va men bilan birga 5 kishi kerak bo'ldi. Biz buni amalga oshira oldik, Fragment The Open Network yoki TON blokcheyni asosidagi platforma, chumki u ommabop ilovalarni joylashtirish uchun yetarlicha tez va samaralidir (soʻnggi yangilanishlardan keyin ham afsuski, eskirgan va qimmat boʻlib qolgan Ethereum tarmog'idan farqli oʻlaroq).
Fragment ajoyib muvaffaqiyatga erishdi, bir oydan kamroq vaqt ichida saytda 50 million dollarlik foydalanuvchi nomlari sotildi. Fragment bu hafta foydalanuvchi nomlarining savdosi doirasidan tashqariga chiqadi.
Telegramning navbatdagi qadami millionlab odamlar kriptovalyutalarni xavfsiz savdo qilishlari va saqlashlari uchun hamyonlar va markazlashmagan birjalar kabi markazlashtirilmagan vositalar to‘plamini yaratish bo‘ladi. Shu tariqa, biz yuz minglab kriptovalyuta foydalanuvchilarini tushkunlikka tushishiga sabab bo'lgan, haddan tashqari markazlashtirish natijasida yuzaga kelgan xatolarni tuzatishimiz mumkin.
Samarasiz markazlashtirishni oqlaydigan vaqt allaqachon o'tib ketdi. TON kabi texnologiyalar o‘z imkoniyatini ro‘yobga chiqargan holda, blokcheyn sanoati nihoyat odamlarga kuch-quvvatni qaytarish yo'lida o‘zining asosiy vazifasini bajara oladi”.
