2022-04-10 11:00:10
TON tadqiqotchilari nima uchun kerak?Mart oyining oxirida biz har bir foydalanuvchi rioya qilishi kerak bo'lgan raqamli xavfsizlikning asosiy qoidalarini e’lon qilgan edik.
Bugun kiberxavfsizlik haqidagi bilimlaringizni kengaytirish maqsadida sizga tadqiqotchilar haqida ma’lumot bermoqchimiz.
Blokcheyn tadqiqotchi (blokni nazorat qiluvchi) tarmoqdagi barcha kriptovalyuta amaliyotlarini kuzatish uchun mo’ljallangan vositadir.
Tadqiqotchi yordamida, siz TON blokcheynidagi istalgan manzilni tahlil qilishingiz mumkin. Xususan, uning hisobini, kiruvchi va chiquvchi o’tkazmalar sonini, o'tkazmalarning hajmini va hokazolarni kuzatish imkoniga ega bo’lasiz.
Bundan qanday foyda bo'ladi?Hamjamiyatning har bir faol a'zosi hamyonlarni tahlil qilishni va xulosa chiqarishni o'rganishi kerak.
Aytaylik, siz yuqori daromad keltiradigan steyking hovuzini topdingiz. Hovuz hamyoniga pul o'tkazishdan oldin siz uning manzilini tadqiqotchida ko'rishingiz va quyidagi ko'rsatkichlarga e'tibor berishingiz kerak:
— Hamyon qancha vaqtdan beri mavjud?
— Uning hisobi qanday holatda?
— Qancha kiruvchi o’tkazmalar mavjud?
— “Toncoin”lar hamyonga boshqa manzillardan qanchalik tez kelib turadi? O'rtacha daqiqasiga bir martami? Yoki kuniga bir martami?
— Umuman olganda, bu hamyonda qancha miqdorda mablag’ aylanadi?
Agar siz manzil yaqinda yaratilganligini, kiruvchi mablag’ o'tkazmalari soni kamligini va “Toncoin”ning umumiy aylanmasi ham past ekanligini ko'rsangiz, bu firibgarlarga duch kelayotganingizni bildiradi.
Qoida tariqasida, haqiqatan ham yirik va mashhur steyking hovuzlarining hamyonlarini, masalan, “Tonwhales” jamoasi tomonidan taqdim etilgan, katta miqdordagi “Toncoin”ni qamrab oluvchi va ko’plab o’tkazmalarga ega, “TON Nominators Staking” hovuzini ko’rib chiqishingiz mumkin.
Boshqa bir misol keltiradigan bo’lsak.Aytaylik, siz TON asosidagi NFT to’plamidan xarid amalga oshirmoqchisiz.
NFT loyihasining yaratuvchilari birinchi sotuvda 1000 dan ortiq tokenlarni jami 100 000 “Toncoin”ga (har bir NFT uchun 100 Toncoin) sotganliklariga ishontirishadi.
Bunday holda, siz mablag’ o'tkazish taklif qilingan hamyonni tahlil qilishingiz kerak.
Ushbu manzilga tangalar qachon va qanday hajmda o’tkazilganiga e'tibor bering.
Agar sotuvdan oldingi sanalarda har biri 100 “Toncoin”dan ko'p miqdordagi kiruvchi o’tkazmalar ro'yxatga olingan bo'lsa va o'tkazmalarning umumiy hajmi 100 000 “Toncoin”ga yetsa, to’plam egalari sizni aldamayotganiga ishonch hosil qilishimiz mumkin (hech bo'lmaganda ushbu holatda ular aldashmayapti). Bundan tashqari, bu holatdan kelib chiqib to'plam haqiqatdan ham mashhur degan xulosaga kelish mumkin.
Agar o’tkazmalar soni juda oz bo’lsa, unda xulosa aniq: to'plam mashhur emas va uni yaratuvchilar sizni aldamoqda.
Shuni alohida ta'kidlashni istardikki, o’tkazmalar soni o'z-o'zidan xizmatning ishonchliligini to'g'ridan-to'g'ri belgilamaydi, lekin bu uning mashhurligini va ishlab chiquvchilarning bayonotlari to’g’ri ekanligini ko'rsatishi mumkin.
Ushbu tahlil usuli universal emas.
Misol uchun, agar siz @cryptobot yoki @wallet botdagi Toncoin hisobingizni to'ldirmoqchi bo'lsangiz, yuqoridagi misol sizni chalg'itishi mumkin, chunki bu xizmatlar har bir foydalanuvchi uchun pul mablag'larini kiritishda yangi hamyon yaratadi.
Bunday manzilni tahlil qilgandan so'ng, nolga teng kiruvchi o’tkazmalarni ko'rasiz, lekin bunda hech qanday shubhali narsa yo'q, chunki bu depozit hamyonlarining ishlash tamoyilidir.
Xulosa:TON blokcheynining har bir foydalanuvchisi mablag’ o‘tkazishdan oldin oluvchi manzillarini tekshirishlarini tavsiya qilamiz.
Tadqiqotchi hamyon egasining ishonchliligini aniq tasdiqlay olmasa ham, tahlil asosida siz ma'lum xulosalar chiqarishingiz mumkin.
Ommabop tadqiqotchilar:— TonScan.
— Whales Explorer.
— TonPage.
— Ton SH.
Hamyonni tahlil qilish uchun qidiruv satriga uning manzilini kiritishning o’zi kifoya qiladi.
Tadqiqotchilarning toʻliq roʻyxatini TON loyihasining rasmiy veb-saytida topishingiz mumkin: https://ton.app/explorers.
53.8K views08:00