TON Community 🇺🇿

2022-04-19 10:30:02 ​TON hamjamiyatining hafta sarhisobi.

Biz haftada davomida ro’y bergan eng qiziqarli ekotizim yangiliklarini to'pladik:

— TON tarmog‘ida ro‘yxatdan o‘tgan hamyonlar soni 10-apreldan 16-aprelgacha 400 522 tadan 419 121 taga (+4,6%) oshdi.

— Birinchi ekotizim fondi toncoin.fund ishga tushirildi va 250 million dollar sarmoya kiritildi.

— Uch davlat TON bilan rasmiy hamkorlik qilishini eʼlon qildi.

— ton.org rasmiy veb-saytiga yangi “Blockchain analysis” bo'limi qo’shildi.

— “TON Smart Challenge” tanlovi natijalari e’lon qilindi.

— TON @tonsociety uchun sarmoyalar, grantlar va loyiha inkubatsiyasi haqidagi rasmiy kanal ishga tushdi.

— TON ekotizimida boʻsh ish oʻrinlarini joylashtirish uchun @tonhunt rasmiy kanali ishga tushirildi.

Boshqa yangiliklar:

— “Tegro TON” loyihasi o‘z tadqiqotchisini ishga tushirdi.

“The Open Network” ekotizimidagi yangiliklardan birinchilardan bo'lib xabardor bo'lish uchun bizni kuzatib boring. Ochish/sharhlash

2022-04-18 16:00:09 “The Open Network”ning afzalliklari.

Ton.org rasmiy veb-saytida yangilanish: TON blokcheynini boshqa markazlashtirilmagan tarmoqlar bilan taqqoslovchi “Blockchain analysis” bo'limi paydo bo'ldi.

Yangi bo'lim ushbu havolada mavjud:
https://ton.org/analysis Ochish/sharhlash

2022-04-18 12:00:40 “TON Jobs” bilan tanishing.

Kuni kecha “TON Foundation” “TON Jobs” kanalini ishga tushirdi. Unda “The Open Network” bilan bog'liq bo’lgan loyihalardagi bo'sh ish o'rinlari va ish qidirish bo’yicha e'lonlarni joylashtirish mumkin.

TON ekotizimida rivojlanishni xohlovchi barcha dasturchilar va ishqibozlarni @tonhunt ga obuna bo’lishlarini tavsiya qilamiz. Ochish/sharhlash

2022-04-17 15:40:05 ​“TON Smart Challenge” yakunlandi.

Esingizda bo‘lsa, 28-mart kuni blokcheyn dasturchilari uchun TON ekotizimida “TON Smart Challenge” tanlovi boshlangan edi.

Kuni kecha, 15-aprel kuni musobaqa o'z nihoyasiga yetdi va biz uning natijalarini e’lon qilamiz.

Musobaqada 180 dan ortiq mutaxassis ishtirok etdi. Ulardan 125 nafari 22 022 Toncoin (hozirgi kurs bo‘yicha taxminan 44 000 dollar) mukofotiga ega bo‘lishdi.

Eng yirik mukofotlar eng yaxshi uchta g'olibga topshirildi:

1-o‘rin: 4000 Toncoin (≈8000$)
2-oʻrin: 2000 Toncoin (≈4000$)
3-o‘rin: 1500 Toncoin (≈3000$)

Tanlov g‘oliblarini tabriklaymiz va barcha ishtirokchilarga minnatdorchilik bildiramiz!

Shuningdek, texnik mutaxassislarni @toncontests kanalini kuzatishga taklif qilamiz.

Tez orada yangi “FunC” tanlovi e'lon qilinadi, uning g'oliblari “TON Foundation” a'zosi bo'lish imkoniyatiga ega bo'ladilar.

“TON Smart Challenge” tanlovining batafsil natijalari va g‘oliblarning to‘liq ro‘yxati bilan tanlov sahifasida tanishishingiz mumkin:
https://ton.org/contest Ochish/sharhlash

2022-04-17 11:45:21 ​TON haqida yozadigan kanallar.

Shubhasiz, Telegramdagi “TON Community UZ” kanali TON haqida o’zbek tilida yozadigan eng yirik kanaldir. Ammo “The Open Network” haqida gapiradigan yagona manba biz emasmiz.

O'nlab va yuzlab mustaqil mualliflar blokcheynga bag'ishlangan hamjamiyatlar yaratdilar va ularni rivojlantirmoqdalar.

Biz buni ko'rganimizdan xursandmiz va ishqibozlarning tashabbuslarini rag'batlantirishga tayyormiz, shuning uchun bugun biz sizni TON haqida yozadigan ba'zi kanallar bilan tanishtiramiz.

“Дайте TON” — loyiha haqidagi eng eski kanallardan biri, 2019 yildan beri mavjud.

“Русский TON” — tarmoq validatorining taniqli va e'tiborga loyiq loyihasi.

“Лёша, TON и HODL” — kriptovalyuta sarmoyadorlar jamoasi va “Toncoin”ning asosiy egasidir.

“Я люблю TON” — TON ekotizimiga oid asosiy kanal, muntazam ravishda ko'plab noyob kontentlar berib boradi.

“TON Independent” — kichik, ammo foydali blog bo'lib, unda muallif ekotizim yangiliklarini batafsil tahlil qiladi.

“Держу в TON” — tadbirkorlar jamoasi va TON asosida loyihalar yaratuvchi yirik Toncoin egasi.

Blokcheyn ekotizimi bizning kanalimiz bilan chegaralanib qolmagan.

“The Open Network” hayotida har kuni qiziqarli voqealar sodir bo'ladi — loyihaning barcha yangiliklaridan xabardor bo'lish uchun hamjamiyatimizga qo'shiling. Ochish/sharhlash

2022-04-16 10:30:01 ​“Toncoin”dan qayerda foydalanish mumkin?

Biz “Toncoin”laringizdan foydalanishingiz mumkin bo'lgan barcha imkoniyatlarni ushbu postga jamladik.

E'tibor bering, “TON Foundation” va TON hamjamiyatining sanab o'tiladigan imkoniyatlarga hech qanday aloqasi yo’q. Biz taqdim etilayotgan xizmatlar sifatini baholamaymiz, shu sababli har qanday qarorni o'z tahlilingiz asosida qabul qilishingiz kerak.

Toncoin steyking hovuzlarida ishtirok etish.

Ushbu postda steyking hovuzlari haqida batafsil ma’lumot berilgan.

Qisqa qilib aytganda, bu kriptovalyutalardan foydalanishning bir usuli bo'lib, unda siz tangalaringizni tarmoq validatoriga taqdim etasiz va ular siz bilan validatsiya daromadini bo'lishadi.

Bugungi kunda TON ekotizimida aqlli shartnoma asosida ishlaydigan faqat bir dona steyking hovuzi mavjud:

— “TonWhales” jamoasi tomonidan steyking hovuzi

Shuningdek, tarmoqda markazlashtirilgan steyking hovuzlarini ham uchratishingiz mumkin, ammo ular markazlashtirilmagan hovuzlarga qaraganda xavfsiz emas.

Asossiz yuqori daromadlarni va'da qiladigan loyihalardan ehtiyot bo'ling. Tarmoq validatorlarining daromadi yiliga taxminan 13%ni tashkil qiladi. Agar steyking tashkilotchisi bundan ko'proq taklif qilsa, unda bunday rentabellik qanday ta'minlanganligini bilib olishingiz foydadan holi bo’lmaydi.

Toncoin farming.

Farming - bu tangadan foydalanish usullaridan biri bo'lib, unda likvidlik hovuzlari ishtirokchilari qo'shimcha daromad oladilar.

Hozirda siz quyidagi platformalarda Toncoin farming bilan shug’ullanishingiz mumkin:

— Biswap.org TONCOIN-USDT juftligida
— YoBit.net TONCOIN-BTC juftligida
— Nomiswap.io TONCOIN-USDC juftligida

“Biswap.org” birjasida Toncoin farmingi bo'yicha berilgan ko'rsatmalar bilan tanishib chiqing. Bu universal ko’rsatma hisoblanib boshqa saytlardagi farming tizimi bundan aslo farq qilmaydi.

Doimiy almashinuvlar.

“Toncoin”dan foydalanishning bu usuli ilg'or foydalanuvchilar uchun mos keladi va biz buni yangi boshlaganlar uchun tavsiya etmaymiz.

Siz “Toncoin”ni “OKX”, “FTX” va “Gate.io” birjalarida doimiy almashinuv usuli orqali sotishingiz mumkin.

“OKX” birjasidagi doimiy almashinuvlar bo'yicha matnli qo'llanma va video darslik mavjud.

Kriptovalyutalar bilan qilinadigan har qanday amaliyot xavf bilan yonma-yon bo’lishini unutmang. Ochish/sharhlash

2022-04-15 17:00:09 ​Telegramdagi veb-botlar “The Open Network” uchun nimani anglatadi

Telegram veb-botlarni sinovdan o'tkaza boshladi.

Demo-botlarning funksiyalarini “Android” uchun beta-versiyasida ko'rish mumkin:

@DurgerKingBot — biriktirilgan URL tugmasi orqali to'lov bilan oziq-ovqat yetkazib berish (@CryptoBot xizmatida Toncoin chek va fakturalarda shunga o’xshash URL tugmalarini ko'rgan bo'lishingiz kerak).
@asmico_attach_bot — veb-bot (joylashuv, joriy vaqt, mikrofon va kameradan olingan ma'lumotlar) bilan fayllar va turli xil ma'lumotlarni almashish imkoniyatini taqdim etadi.

“TON”ning bunga nima aloqasi bor?

Katta ehtimol bilan, “Toncoin”da to'lov qilish imkoniyati botlarda paydo bo'ladi. Shu bilan birga, TON uchun xizmat yaratuvchi dasturchilar veb-interfeys imkoniyatlaridan foydalangan holda deyarli cheksiz funksionallikka ega botlarni yaratishi mumkin bo‘ladi.

Bular nafaqat TON ekotizimida, balki undan tashqaridagi xizmatlar bo'lishi ham mumkin. Bu esa “Toncoin”ni Telegram foydalanuvchilari orasida ommalashtirishga yordam beradi.

Toncoin ekotizimi jadal kengayib bormoqda.

@givemetonru Ochish/sharhlash

2022-04-15 10:45:00 ​Kamerun, Kongo Demokratik Respublikasi (KDR) va Kongo Respublikasi TON blokcheyni bilan hamkorlik qilishlarini e'lon qilishdi, deb yozadi “Forbes”.

Mamlakatlar blokcheynni ommaviy qabul qilish kampaniyalarini boshlash niyatida va ushbu jarayonda “The Open Network” yetakchilik qilmoqda.

Ma’lumki, sayyoramizning yuz millionlab odamlari jahon moliya tizimiga kirish imkoniyatidan mahrum. Bunga yaqqol misol sifatida KDR keltirish mumkin. 40 milliondan ortiq aholiga ega mamlakat 2019-yilda internetga ulanish imkoniga ega bo‘lgan. Biroq ulardan bor-yog’i 12,4 millionining bank hisob raqami bor xolos.

Bu markazlashmagan texnologiyalardan foydalanishning ajoyib salohiyatini ko'rsatadi va umid qilamizki, TON blokcheyni yordamida butun dunyo bo'ylab juda ko'p odamlar iqtisodiyot va moliyaviy xizmatlardan foydalanishlari mumkin bo’ladi.

“TON Foundation” jamoasi uch mamlakatga yangi turdagi iqtisodiyotni qurishda rasman yordam beradi. Bu jarayonda kriptovalyutalar qurilayotgan tizimning markaziy elementiga aylanadi.

Xususan, KDRning raqamli iqtisodiyot vaziri aytganidek, mamlakat TON asosida milliy steyblkoin yaratish imkoniyatlarini ko'rib chiqmoqda.

Mamlakatlar vakillarining rasmiy izohlari va bo‘lajak hamkorlikning boshqa tafsilotlari bilan ushbu havolada berilgan “Forbes”ning yirik maqolasida tanishishingiz mumkin.

TON millionlab odamlarning hayotini yaxshi tomonga o‘zgartiruvchi global mahsulotga aylanayotganini ko‘rishdan mamnunmiz. Ochish/sharhlash

2022-04-13 10:00:13 ​“TON Foundation”ning rasmiy kanali bo’lgan @tonsociety “The Open Network” uchun sarmoyalar, grantlar va loyiha inkubatsiyasi bo'yicha $250 000 000 miqdoridagi birinchi ekotizim fondi, toncoin.fund, ishga tushirilganini e'lon qildi.

@tonsociety xabar berishicha, “Huobi Incubator”, “Kucoin Ventures”, “MEXC Pioneer Fund”, “3Commas Capital”, “Orbs”, “TON Miners” va “Kilo Fund” kabi bir qator yetakchi kriptovalyuta sarmoyadorlari “TON Foundation” tomonidan qo‘llab-quvvatlanadigan birinchi rasmiy ekotizim fondi orqali “TON”ga 250 000 000 dollar sarmoya kiritadilar.

“Toncoin Fund” mablag'lari loyihalarni inkubatsiya qilish, grantlar berish, xakatonlarni o'tkazish va hamjamiyat uchun o'quv materiallarini yaratish uchun sarflanadi.

Jamg'arma “NFT”, “DeFi”, marketpleyslar va hamyonlarni o'z ichiga olgan keng doiradagi sohalarga qaratilgan. Jamg'arma boshqaruvini “Jenny Metaverce DAO” asoschisi va “Binance”ning sobiq top-menejeri Benjamin Ramo kabi taniqli kriptovalyuta ixlosmandlari boshqaradi.

“Cointelegraph” tomonidan chop etilgan press-relizda toncoin.fund haqida ko'proq ma’lumot olishingiz mumkin.

Biz obunachilarimizni TON ekotizimidagi sarmoya jamg’armalari, inkubatorlar va grant dasturlarining faoliyatidan xabardor bo‘lish uchun @tonsociety kanaliga obuna bo’lishingizni so’rab qolamiz. Ochish/sharhlash

2022-04-12 10:00:29 “CryptoBot” xizmati o'zining kriptovalyuta birjasini ishga tushirdi.

Endi @cryptobot foydalanuvchilari to‘g‘ridan-to‘g‘ri “Telegram”da limitli buyurtmalarni joylashtirish orqali kriptovalyutalar bilan savdo qilishlari mumkin.

Hozirgi vaqtda savdo uchta juftlik uchun mavjud: TON/USDT, BNB/USDT va BTC/USDT.

Savdoni boshlash uchun botning asosiy menyusidagi “Exchange” bo‘limiga o‘tishingiz kerak.

Shuningdek, “Дайте TON” kanali tomonidan taqdim etilgan birjadan foydalanish bo'yicha qisqa video darslikni ham tomosha qilishingizni tavsiya qilamiz. Ochish/sharhlash